53 sunog nirespondehan ng Red Cross ngayong buwan ng Disyembre

Sa kasagsagan ng holiday season tuloy ang trabaho ng mga volunteer ng Philippine Red Cross lalo pa at sunod-sunod ang naitatalang sunog ngayong Disyembre.

Ayon sa datos ng PRC, umabot sa limampu’t tatlong insidente ng sunog ang narespondehan ng kanilang mga volunteer.

Nakapag-deploy ang Red Cross ng dalawampung fire trucks at animnapu’t isang ambulansya.

Ayon sa PRC, karamihan sa dahilan ng sunog ay ang pagluluto, napabayaang kandila, at dahil sa paputok.

Tiniyak naman ni PRC Chairman Richard Gordon na patuloy na nakaalerto ang kanilang mga team para rumesponde sa iba’t ibang emergency na maaari pang maitala sa pagsalubong sa Bagong Taon. (DDC)