Pinas ligtas sa ‘Super Flu’ na kumakalat sa US at Europe

Walang existing na kaso ng Super Flu sa Pilipinas sa gitna ng napapaulat na pagtaas ng kaso nito sa Estados Unidos at Europa.

Ayon sa Department of Health, noong August 6 hanggang October 24 ay nakapagtala ang ahensya ng 41 cases ng super flu AH3N o Subclade K.

Pero lahat ng pasyenteng tinamaan ng sakit ay naka-recover na kaya wala nang aktibong kaso ng sakit sa ngayon.

Paliwanag ni DOH spokesperson at Assistant Secretary Albert Domingo, ang Subclade K ay kahalintulad lamang ng seasonal flu at ang ginagamit na influenza vaccines ay epektibo panlaban dito.

Sinabi naman ni DOH Secretary Teodoro “Ted” Herbosa na ang pagtaas ng kaso ng Subclade K ay karaniwang naitatala sa malalamig na lugar na nakararanas ng winter.

Dahi dito, pinaalalahanan ni Herbosa ang Pinoy na bibiyahe sa Amerika at Europa na ingatan ang kalusugan lalo na kung sila ay at-risk. (DDC)