Sa paggunita ng Rizal Day, VP Sara hinimok ang publiko na manindigan sa katotohanan

Ipinaalala ni Vice President Sara Duterte sa sambayanan ang ipinamanang diwa ni Dr. Jose Rizal sa pamamagitan ng kaniyang mga akda.

Ayon sa bise presidente, ang tunay na aral ni Rizal ay malinaw na ang kalayaan ay hindi lamang paglaya mula sa pwersang dayuhan kundi pati na rin sa paglaya ng isip at damdamin mula sa pang-aabuso, pagkawatak-watak at kasamaan.

Sa paggunita sa mga sakripisyo ni Rizal, sinabi ni VP Sara na sana ay manumbalik ang lakas at tapang na manindigan para sa katotohanan at katarungan.

Dagdag pa ni VP Sara, tungo sa pangmatagalang pagbabago sa lipunan dapat ay magkaroon ng malalim na pag-aaral, moral integrity at sama-samang pagkilos ng sambayanan. (DDC)