Mas mahigpit na batas sa paggamit ng paputok ng mga bata, inihirit ng DOH

Pwedeng maituring na kaso ng Child Abuse kung ang mga bata ay hinahayaan ng mga magulang na makagamit ng paputok.

Pahayag ito ni Health Secretary Teodoro Herbosa bilang paalala na rin sa mga magulang na hindi nila dapat hinahayaan na makabili, makahawak at makagamit ng paputok ang kanilang mga anak.

Taun-taon na lang ayon kay Herbosa ay marami laging bata na nabibiktima ng paputok.

Kaugnay nito ay umapela si Herbosa sa mga mambabatas na magpasa ng mas mahigpit na batas para mabawalan ang mga bata na makagamit ng paputok. (DDC)