Chinese na co-accused ni Harry Roque, timbog sa Pampanga

Naaresto ng mga tauhan ng Criminal Investigation and Detection Group ang isang Chinese National na co-accused nina dating Presidential Spokesperson Harry Roque at Cassandra Ong.

Ayon sa CIDG ang dayuhan na kinilala lamang sa alyas na “Boss Terry” ang ikatlo pa lamang na nadakip mula sa mahigit limampung akusado sa kasong Qualified Trafficking in Persons.

Ang suspek ay nagsilbi bilang administrative officer ng Lucky South 99 Outsourcing na sangkot sa operasyon ng POGO hub sa Porac, Pampanga.

Kasama si Roque sa nasabing kaso dahil nagsilbi umano itong legal counsel ng Lucky South 99. (DDC)