DILG nagpaalala sa ligtas na pagsalubong sa Bagong Taon

“Unahin ang kaligtasan ng pamilya at komunindad”.

Ito ang paalala ng Department of the Interior and Local Government sa sambayanan para sa ligtas na pagdiriwang ng Bagong Taon.

Hinikayat ng DILG ang publiko na na makipagtulungan at sumunod sa mga ordinansang ipinatutupad ng mga barangay at ng lokal na pamahalaan.

Siniguro din ng DILG na aktibo ang pakikipag-ugnayan ng mga barangay sa Philippine National Police at Bureau of Fire Protection para maiwasan ang sunog, disgrasya, at iba pang insidente sa pagsalubong sa taong 2026. (DDC)