Rehab sa bahagi ng EDSA Busway sa Buendia naapos na

Natapos na ang pag-aaspalto sa ilang bahagi ng EDSA Busway.

Ayon sa Department of Transportation, bukas na muli para sa EDSA Busway operations ang southbound ng EDSA Orense hanggang Buendia at ang Northbound ng Buendia hanggang EDSA Orense.

Bahagi ito ng nagpapatuloy na EDSA Rehabilitation Project ng pamahalaan kung saan isinsagawa ang asphalt overlay works.

Paalala naman ng DOTr sa mga motorista, nananatiling dedicated para sa EDSA Busway ang inner lane ng nasabing lansangan.

Ang mga pribadong sasakyan ay bawal pumasok sa nasabing linya.

Patuloy din ang pagpapatupad ng No Contact Apprehension Policy sa EDSA kahit pa mayroong rehabilitasyon. (DDC)