Tourist bus lulan ang Youth Camp participants naaksidente sa Quezon; 1 ang patay

Patay ang isa habang sugatan ang dalawamput pito pa matapos maaksidente ang tourist bus sa bahagi ng Marilaque Highway, Infanta, Quezon.

Sa report ng Infanta Municipal Police Station, ang Truck Bus Daewoo, na may plate number UVD 253 ay minamaneho ng Isang alyas Wilfredo at may lulan na apatnapu’t walong pasahero.

Patungo sana sa isang youth camp sa Infanta ang mga sakay ng bus na pawang mga youth leader mula sa Barangay Bagong Silangan, Quezon City pero pagdating sa Brgy. Magsaysay, Marilaque Highway, nag-overshoot ang bus dahilan para ito ay tumagilid.

Dahil walang network signal sa lugar ng aksidente naging pahirapan ang paghingi ng tulong at nakarating lamang ito sa mga otoridad sa tulong ng mga motoristang nakita ang nangyari.

Ang ilan sa mga kabataan ay isinugod Claro Recto Memorial Hospital sa Infanta para sa paunang lunas. (JR Narit)