Bilang ng nasugatan sa paputok 125 na – DOH

Lumobo na sa 125 ang bilang ng naitatalang fireworks-related injuries ng Department of Health simula December 21 hanggang 29.

Ayon sa DOH, ang bilang ay mas mababa ng 27 percent kumpara sa parehong petsa noong nakaraang taon.

Pinakamaraming naitalang kaso ng nasugatan sa paputok ay sa Metro Manila na mayroong 57 cases, kasunod ang Ilocos Region – 12 cases at ang Central Luzon 11 cases.

Karamihan sa mga naputukan ay mga bata na edad lima hanggang labingapat.

Pangunahing sanhi ng pagkasugat ay ang mga ipinagbabawal na paputok gaya ng 5-Star at Boga.

Kasama din sa mga nakapinsala sa mga biktima ng paputok ang Kwitis, at Whistle Bomb.

Ayon sa DOH bagaman parehong legal fireworks ang Kwitis, at Whistle Bomb ay hindi naman dapat hinahayaaan ng mga magulang ang kanilang mga anak na makagamit nito. (DDC)