Dating DPWH Sec. Bonoan hindi pa umuuwi ng Pinas

Wala pa rin sa Pilipinas si dating Public Works Secretary Manuel Bonoan.

Ayon kay Bureau of Immigration spokesperson Dana Sandoval, sa rekord ng BI hanggang araw ng Lunes, December 29 ay hindi pa umuuwi ng bansa ang dating kalihim.

Si Bonoan ay nasa listahan ng Immigration Lookout Bulletin Order.

Umalis ito patungong United States noong November 11 para samahan ang kaniyang misis na sasailalim sa medical procedure.

Dapat ay hanggang December 17 lamang ang pananatili niya sa US. (DDC)