China maglulunsad ng rocket sa Dec. 31; PCG nagbabala

Naglabas ng temporary maritime safety restrictions ang Philippine Coast Guard District North Eastern Luzon kaugnay ng nakatakdang paglulunsad ng rocket ng China sa December 31.

Ayon sa Coast Guard, nakatakda ang paglulunsad ng Long March 7A rocket mula Wenchang, Hainan, umaga ng Miyerkules.

Dahil sa posibleng debris mula sa rocket debris pinayuhan ang mga mangingisda, vessel crew, at iba pang maritime stakeholders na iwasang dumaan sa mga tinukoy na drop zones.

Kabilang dito ang bahagi ng Burgos, Ilocos Norte; Dalupiri Island, Cagayan; Santa Ana, Cagayan; at Camiguin Norte.

Pinayuhan din ng Coast Guard ang publiko na huwag hahawakan sakaling makakita sila ng hinihinalang rocket debris at sa halip ay agad itong ipagbigay-alam sa mga ototidad. (DDC)