Lahat ng klase ng paputok, bawal sa Las Piñas City

Inaabisuhan ng Pamahalaang Lungsod ng Las Piñas ang mga Las Piñero na bawal ang lahat ng klase ng paputok sa lungsod.

Sa inilabas na abiso ng lokal na pamahalaan, mahigpit na ipinagbabawal ang paggamit at pagbebenta ng lahat ng uri ng paputok sa buong siyudad alinsunod sa City Ordinance No. 1484-17.

Hinihikayat ang mga residente na gumamit na lamang ng alternatibong pampaingay upang masiguro ang kaligtasan ng lahat sa gitna ng mga pagdiriwang ngayong papalapit na ang Bagong Taon. (Bhelle Gamboa)