71 Pinoy na pinagtrabaho sa scam hub sa Myanmar nakauwi na ng bansa
Magiging masaya ang Pasko ng pitumpu’t isang Pinoy at kanilang pamilya na matagumpay na napabalik sa bansa matapos mabiktima ng illegal recruitment patungong Myanmar.
Dumating sa NAIA ang mga Pinoy na pawang ilegal na pinabiyahe patungong Myanmar at sapilitang pinagtrabaho sa scam hubs.
Sinalubong at inasikaso sila ng Overseas Workers Welfare Administration katuwang ang Department of Migrant Workers, Department of Social Welfare and Development, NAIA Task Force Against Trafficking, at NAIA Medical Team.
Pinagkalooban din sila ng immigration support, food packs, transport assistance, at pansamantalang accommodation habang inaayos ang kanilang ligtas na pag-uwi sa kani-kanilang mga probinsya. (DDC)
