DOH nagpaalala sa ligtas na paghahanda ng pagkain sa Holiday Season

Pinayuhan ng Department of Health ang publiko na tiyaking ligtas ang mga ihahandang pagkain para sa mga idaraos na salu-salo sa Pasko at Bagong Taon.

Ayon sa DOH, siguraduhing malinis ang paghahanda at tama ang paghawak sa pagkain upang maprotektahan ang buong pamilya ngayong holiday season.

Narito ang mga paalala ng DOH sa pagluluto ng handa sa holiday:

– Ihiwalay ang hilaw sa lutong pagkain para iwas kontaminasyon
– Gumamit ng malinis na tubig at kagamitan sa kusina
– I-check ang expiration date bago gamitin ang mga sangkap
– Siguruhing luto ng maayos ang karne at iba pang pagkain bago ihain
– Huwag hayaang nakahain ang pagkain nang higit sa dalawang oras para maiwasan ang pagkapanis
– Ilagay agad sa ref ang mga tira para hindi masira

Paalala ng DOH, dapat ipagdiwang ang Pasko at salubungin ang Bagong Taon ng ligtas at malusog ang pangangatawan. (DDC)