SRI at Gratuity Pay para sa mga empleyado ng gobyerno inaprubahan ni PBBM

Nilagdaan ni Pangulong Ferdinand Marcos Jr. ang Administrative Order na nag-aatas ng pagbibigay ng Gratuity Pay para sa mga Contract of Service at Jon Order workers sa gobyerno para sa taong 2025.

Sa ilalim ng kautusan, ang mga COS at JO workers na nanilbihan sa gobyerno ng hindi bababa sa apat na buwan pagsapit ng December 15 ay tatanggap ng hanggang 7,000 pesos.

Ang mga mas maiksi naman ang panahon ng panunungkulan ay tatanggap ng 4,000 hanggang 6,000 pesos depende sa haba ng kanilang sebrisyo.

Magsisimula ang pagkakaloob ng gratuity pay sa December 15.

Samantala sa hiwalay na Administrative Order, inaprubahan na din ni Pangulong Marcos ang pagbibigay ng service recognition incentive o SRI sa mga kwalipikadong empleyado ng gobyerno ngayong 2025.

Aabot sa hanggang 20,000 pesos ang maaaring matanggap na SRI ng mga empleyado ng gobyerno kabilang ang mga civilian personnel at ang mga military at uniformed personnel. (DDC)