Unang araw ng Social Pension Payout sa Las Piñas matagumpay na naipamahagi sa 1,800 senior citizens

Halos 1,800 na indigent senior citizens mula sa mga Barangay ng Almanza Dos, Almanza Uno, Talon Dos, Daniel Fajardo, at Ilaya ang tumanggap ng kanilang 4th quarter social pension sa unang araw ng Social Pension Payout na ginanap sa air-conditioned Aguilar Sports Complex para siguraduhing komportable at maayod ang daloy ng programa para sa mga nakatatanda.

Nakatanggap ang mga seniors ng P3,000 (P1,000 bawat buwan) para sa huling quarter ngayong taon.

Nais ni Mayor April Aguilar na maibigay kaagad ang pension na ito para magamit sa kanilang pang-araw-araw na pangangailangan at higit sa lahat para may magamit sila ngayong darating na Pasko.

Patuloy na pinagtitibay ng Pamahalaang Lungsod ng Las Piñas ang mga programang nagbibigay suporta at ginhawa sa ating mga seniors bilang pagkilala sa kanilang malaking ambag sa ating komunidad. (Bhelle Gamboa)