2 Chinese sangkot sa operasyon ng online gambling websites natimbog ng BI

Inaresto ng mga tauhan ng Bureau of Immigration ang dalawang lalaking Chinese national na wanted sa kanilang bansa dahil sa pagpapatakbo ng online gambling websites.

Ayon kay BI Commissioner Joel Anthony Viado sina Wu Huifu at Li Yong ay kapwa nadakip sa Brgy. Tambo, Parañaque City.

Nakatanggap kasi ng impormasyon ang BI mula sa Chinese government na si Wu ay wanted sa kanilang bansa dahil sa ilegal na pagpapatakbo ng mga casino.

Nakapambiktima ang mga online gambling websites ni Wu ng kalahating milyong players.

Samantala si Li ay nagsilbi umanong assistant ni Wu at nahaharap din sa arrest warrant ng Chinese authorities. (DDC)