PCSO nagbigay ng Patient Transport Vehicle sa Las Piñas

Isa ang Pamahalaang Lungsod ng Las Piñas sa nabigyan ng isang Patient Transport Vehicle (PTV) mula sa Philippine Charity Sweepstakes Office (PCSO) bilang bahagi ng Medical Transport Vehicular Donation Program (MTVDP).

Sa pamamagitan ng tulong ng PTV ay mas mapapabilis at epektibo ang local emergency response sa mga serbisyong pangkalusugan hindi lamang sa Las Piñas kundi maging sa 16 iba pang local government units (LGUs) sa Metro Manila.

Ang naturang PTV ay mayroong mga kagamitan tulad ng stretcher, oxygen tank, wheelchair, first-aid kit, blood pressure monitor, at medicine cabinet bilang paghahanda sa emergency.

Bukod dito ay nakatanggap din ang lungsod ng LGU Lotto-Share Checks na pwedeng pagkuhaan ng pondo ng iba’t ibang sektor tulad ng health, disaster response, edukasyon, at iba pa, alinsunod sa Executive Order no. 357-A na required equitable distribution ng lotto revenues ng PCSO sa LGUs sa buong bansa. (Bhelle Gamboa)