Las Piñas LGU namahagi ng libreng school supplies sa higit 1,500 PWDs at kanilang pamilya

Masayang tinanggap ng mahigit 1,500 PWDs (Persons with Disabilities) at kanilang pamilya ang mga libreng school supplies mula sa Pamahalaang Lungsod ng Las Piñas.

Pinangunahan ni Mayor April Aguilar, kasama sina Elderly PWDs and PDAO Focal Person Ronald Monfero at CSWDO Head Lowefe Romulo, ang Awarding and Distribution of School Supplies for PWD sa lungsod. Ang bawat bag ay naglalaman ng school supplies, payong, lunch box, alcohol, at tumbler upang masigurong handa ang lahat sa kanilang pag-aaral.

Naging emosyonal ang sandali nang makasalamuha ni Mayor April lalo na ang mga PWD beneficiaries. Ramdam ang saya at pagmamahal sa bawat yakap, ngiti, at kuwentuhan sa mga pamilya.

Ipinaabot ng mga PWD at magulang ang kanilang pasasalamat sa lokal na pamahalaan sa tuloy-tuloy na programang tumutulong, kumakalinga, at nagbibigay pag-asa.

Hindi tumitigil sa pagtataguyod ang ating Pamahalaang Lungsod sa mga programang nagbibigay lakas at dignidad sa PWDs para siguruhing bawat Las Piñero ay may pantay na oportunidad sa pag-asenso. (Bhelle Gamboa)