PDLs na senior at may sakit sa Bilibid nakatanggap ng tulong kay Sen Erwin Tulfo
May dalang malasakit ang pagbisita ni Senador Erwin Tulfo sa Minimum Security Compound ng New Bilibid Prison sa Muntinlupa City kung saan nakasalamuha niya ang mga persons deprived of liberty (PDLs) at bukas-palad na nagkaloob ng kanyang donasyon na layuning suportahan ang mga seniors at may sakit na indibiduwal.
Mainit siyang tinanggap nina Bureau of Corrections Deputy Director General Atty. Al Perreras at NBP Acting Superintendent C/SInsp Roger Boncales.
Nagpasalamat si Atty. Perreras sa ngalan ni Bucor Director General Gregorio Pio P. Catapang Jr. at ng Bucor family sa nagpapatuloy na pagtulong na adbokasiya para sa legislative measures na magpapaganda sa buhay ng mga seniors at may sakit na indibiduwal.
Kabilang sa mga donasyong essential items ng senador ay ang antibacterial soap, milk, shampoo, adult diapers, bath towels, folding beds, wheelchairs, blood pressure equipment, tents, multivitamins, at assorted medicines.
Ang handog na tulong ni Sen. Tulfo ay sumasalamin sa malalim nitong pang-unawa sa mga hamon na hinaharap ng mga inmates partikular ang mga mayroong problema sa kalusugan.
Muling tiniyak ni Tulfo sa mga PDLs ang kanyang pangako na maging kampeon sa batas para siguruhin ang maagang paglaya ng mga senior citizen at mga maysakit na indibiduwal upang lumiit ang kanilang mga panganib tungo sa kaligtasan ng publiko.
Ang kanyang hakbang ay halimbawa sa mahalagang inisyatibo tungo sa malasakit at rehabilitasyon ng correctional system. (Bhelle Gamboa)
