Chinese na wanted sa major credit card fraud sa China natimbog ng BI

Natimbog ng Bureau of Immigration ang isang puganteng Chinese na wanted sa major credit card fraud sa China.

Ang dayuhan na kinilalang si He Hui ay subject ng warrant of criminal detention ng korte sa China na inilabas noon pang 2023.

Maliban sa kaniyang kaso sa China, nahaharap din ito sa kasong robbery at extortion dito sa bansa.

Sa record ng BI, simula 2024 ay nasa Pilipinas na ang dayuhan at mayroon itong working visa at permit.

Sasailalim ang dayuhan sa deportation proceedings dahil sa pagiging undesirable alien pero kailangan muna niyang harapin ang mga kaso niya sa Pilipinas. (Dona Dominguez)