Lisensya ng driver na nag-counterflow sa QC suspendido ng 90-araw

Suspendido ng siyamnapung araw ang lisensya ng driver na nakuhanang nag-counterflow at sumampa sa sidewalk sa Quezon City.

Sa video, makikita ang mabilis na takbo ng kotse na nag-counterflow, sinalubong ang ilang sasakyan bago sumampa sa sidewalk.

Mabuti na lamang at nataon na walang naglalakad noon o tao sa sidewalk.

Ipinatatawag na ng Land Transportation Office ang driver at ang rehistradong owner ng Toyota Vios para humarap sa pagdinig na itinakda sa December 3.

Ang driver at may-ari ng sasakyan ay posibleng maharap sa mga kasong Reckless Driving, at Improper Person to Operate a Motor Vehicle. (Dona Dominguez-Cargullo)