Manila City LGU nakabayad na sa utang sa utility bills

Unti-unti nang nakaahon ang City Government ng Maynila sa pagkakautang sa mga bayaring bills na iniwan ng nagdaang administrasyon.

Ayon sa update ni Manila Mayor Isko Moreno, nabayaran ng Pamahalaang Lungsod ang mga obligasyon sa telecom companies na umabot sa 9 million pesos at sa Manila Water na umabot sa 16 million pesos.

Updated na din ang ibang pangunahing utility bills ng lungsod, kabilang ang 217 million pesos para sa Meralco at 73 million pesos para sa Maynilad.

Sinabi ni Moreno na agad inayos ang mga bayarin ng City Government para matiyak na maayos at tuloy-tuloy ang daloy ng kuryente, tubig, at komunikasyon sa mga serbisyo sa lungsod. (Dona Dominguez)