Hybrid Cash Aid Payout ng DSWD, Patuloy na Malasakit sa Masbate

Sa gitna ng muling pagbangon ng Masbate mula sa mga nagdaang mga bagyo, sabay-sabay na kumislap ang pag-asa sa mga bayan ng Cawayan, Placer at Dimasalang.

Ramdam ang sama-samang pagbangon ng mga binagyong pamilya habang patuloy na umaagos ang suportang hatid ng DSWD Field Office (FO) 5 – Bicol Region.

Nitong Martes (Nobyembre 25) isinagawa ng DSWD FO-5 ang tinatawag na ‘hybrid payout’ ng emergency cash transfer (ECT) kung saan matatanggap nila ang tulong-pinansyal sa kani-kanilang Landbank digital accounts. Humigit-kumulang 5,026 benepisyaryo na may partially-damaged houses ang tumanggap ng tig-P5,287 sa mga nasabing bayan sa Masbate.

Kasunod ng direktiba ni Pangulong Ferdinand R. Marcos Jr., higit pang pinalalakas ng DSWD, sa pamumuno ni Secretary Rex Gatchalian, ang relief efforts para masigurong tuluy-tuloy, ligtas at patas na naipararating ang tulong sa bawat pamilyang Pilipino. (Bhelle Gamboa)