500 pang PDLs ng Bilibid inilipat sa Occidental Mindoro

Umabot sa 500 pang persons deprived of liberty (PDLs) mula sa New Bilibid Prison (NBP) sa Muntinlupa City ang inilipat patungong Sablayan Prison and Penal Farm sa Occidental Mindoro ngayong Lunes.

Sinabi ni Bureau of Corrections Director General Gregorio Pio P. Catapang Jr. na nasa kabuuang 13, 781na PDLs ng NBP ang nailipat sa ibang Prison and Penal Farms bilang bahagi ng decongestion program ng ahensiya at paghahanda para sa planong pagsasara ng pambansang piitan sa 2028.

Ang mga inilipat na PDLs ay iniskortan ng 150 personnel mula sa NBP kasama ang augmentation ng Philippine National Police Muntinlupa.

Ayon kay Catapang ang seguridad at logistics ng transfer ay mabusising pinamahalaan sa suporta ng mga yunits na nagmonitor sa mga importanteng ruta kasama na rito ang South Luzon Expressway (SLEX) at ng Star Tollway Arterial Road (STAR) Patrol.

Aniya, ang ganitong komprehensibong hakbang ay naglalayon hindi lamang pagandahin ang kondisyon ng pamumuhay ng PDLs kundi bigyang-halaga ang pangako ng gobyerno tungo sa reporma ng penal system sa bansa.

Samantala ipinag-utos ni Catapang sa lahat ng Superintendents ng OPPFs na magpagtupad ng kainakailangang pag-iingat para proteksiyunan ang nga buhay at ari-arian sa kanilahg lugar na nasasakupan upang maghanda sa tropical depression “Verbena.” (Bhelle Gamboa)