HVI naaresto ng SPD; halos P500K na halaga ng shabu nakumpiska sa Muntinlupa City
Naaresto ng Southern Police District (SPD) sa ilalim ng liderato ni BGen Randy Y. Arceo, Acting District Director, ang isang high-value individual (HVI) at nakumpiska ang mahigit 72 na gramo ng umano’y shabu na nagkakahalaga ng ₱489,600.00 sa kasagsagan ng buy-bust operation Barangay Putatan, Muntinlupa City.
Ang suspek na kinilalang si alyas “Buboy,” 32-anyos, residente ng Soldiers Hills Village ay nadakip ng mga operatiba ng Station Drug Enforcement Unit (SDEU) ng Muntinlupa City Police Station na nagresulta ng pagkakumpiska ng 11 pakete na naglalaman ng umabo’y shabu at marked buy-bust money.
Inihahanda ng otoridad ang pagsasampa ng kasong paglabag sa Comprehensive Dangerous Drugs Act of 2002 laban sa suspek.
Pinuri ni BGen Arceo ang dedikasyon, wasto, at mapanuring operating team sa kanilang mahalagang pagganap ng tuluy-tuloy na pagtatrabaho.
“This arrest is a product of the relentless effort of our personnel on the ground. Every operation, every surveillance, and every hour they commit strengthens the safety and security of our communities. Their dedication to duty shows that the Southern Police District will not allow illegal drugs to seep into our area of responsibility. Ang inyong sipag at determinasyon ang nagpapatatag sa ating kampanya laban sa droga.”
Nanindigan ang SPD sa misyon nitong buwagin ang drug networks at dakpin ang mga indibiduwal na sangkot sa iegal na bentahan ng droga sa pamamagitan ng napapanatiling intelligence-driven operations. (Bhelle Gamboa)
