PH Govt. hiniling sa interpol na mag-isyu ng Red Notice vs Harry Roque
Hiniling na ng pamahalaan sa International Criminal Police Organization o Interpol na magpalabas ng red notice laban kay dating presidential spokesperson Harry Roque.
Sa isang panayam, sinabi ni Presidential Anti-Organized Crime Commission spokesperson Dr. Winston Casio, isinumite ng Philippine government ang request para sa ikadarakip ng abogado.
Ang red notice ay isang kahilingan sa law enforcement sa buong mundo para ma-locate at maisagawa ang provisional arrest sa isang tao.
Si Roque ay nahaharap sa kasong qualified human trafficking kaugnay ng scam hub sa Pampanga na pinatatakbo ng Philippine Offshore Gaming Operator na Lucky South 99. (DDC)
