4 sa mga may warrant of arrest sa flood control scam nasa labas na ng bansa – BI

Kinumpirma ng Bureau of Immigration na base sa kanilang record, apat sa mga inisyuhan ng arrest warrant kaugnay sa flood control scandal ang nasal abas ng bansa.

Kabilang na dito si resigned Ako Bicol Partylist Rep. Zaldy Co na umalis ng bansa patungong Singapore noon pang August 6.

Noong November 15 umalis din sa bansa patungo ng Qatar si Department of Public Works and Highways OIC–Planning and Design Division Chief Montrexis Tamayo.

Habang si Sunwest Inc. President at Board Chairman Aderma Angelie Alcazar at bumiyahe patungong Australia noong October 2.

Sa parehong petsa, umalis din ng basa patungong UAE si Sunwest Inc. treasurer Cesar Buenaventura.

Sa ngayon ay wala pang inilalabas na court orders para sa pagbawi ng pasaporte ni Co at ng mga nabanggit na personalidad na nakalabas na ng bansa. (DDC)