Paalala ng DENR, Christmas lights bawal sa puno

Ngayong Holiday Season nagpaalala ang Department of Environment and Natural Resources na bawal ang pagkakabit ng Christmas lights sa mga puno.

Sa abiso ng DENR, delikado ang Christmas lights sa puno.

Maaari kasing masakal ang mga sanga kapag binalutan ito ng Christmas lights o iba pang pailaw.

Maliban dito, ang wires at plastic ay dumidkit sa sanga na maaaring magdulot ng sugat sa puno at magbigay-daan sa pagkakaroon ng impeksyon.

Dagdag pa ng DENR, ang liwanag mula sa Christmas lights ay maaaring makagulo sa natural na aktibidad ng mga ibon, insekto, at iba pang hayop na ginagamit ang puno bilang tirahan. (Dona Dominguez-Cargullo)