Comelec mag-iisyu ng show cause order vs Marcoleta

Magpapalabas ng show cause order ang Commission on Elections para hingan ng paliwanag si Senador Rodante Marcoleta.

Kaugnay ito sa hindi pagkakatugma ng statement of contribution and expenditure o SOCE ng senador noong 2025 elections kumpara sa kaniyang statement of assets, liabilities, and net worth o SALN.

Ayon kay Comelec Chairman George Garcia, layunin nitong magkaroon ng complete transparency.

Nilinaw naman ng Comelec na hindi sila nakasentro sa liability ng senador, sa halip ay aalamin lamang ang paliwanag ni Marcoleta at tutukuyin kung ano ang dahilan ng discrepancy.

Sa isang panayam, sinabi ng senador na may hindi siya naisamang campaign donations sa kanyang SOCE.

Ilan kasi aniya sa kanilang donor ay nag-request na huwag na silang pangalanan. (Dona Dominguez-Cargullo)