Bersamin itinangging kusa siyang nagbitiw sa pwesto

Itinanggi ni dating Executive Secretary Lucas Bersamin na kusa siyang nagbitiw sa puwesto.

Ayon kay Bersamin, nakatanggap lamang siya ng tawag noong Lunes, November 17 na nagsasabing kailangan na niyang umalis bilang executive secretary.

Bagaman hindi tinukoy ni Bersamin kung sino ang tumawag, sinabi nitong hindi ito galing sa Malakanyang.

At noong Lunes din ng hapon, inanunsyo na ni Palace Press Officer Atty. Claire Castro ang pagbibitiw ni Bersamin, pati na ni Budget Secretary Amenah Pangandaman at ang rasyon ay “delicadeza”.

Sa mga oras na iyon ayon kay Bersamin, wala pa siyang isinusumiteng resignation letter.

Kinabukasan November 18, bumalik siya sa Office of the Executive Secretary para hakutin ang kaniyang gamit at gumawa din siya ng liham na nagsasaad na inirerespeto niya ang prerogative ng pangulo. (DDC)