Cong. Sandro Marcos itinanggi ang mga paratang ng kaniyang tiyahin

Nagsalita na si House Majority Leader at Ilocos Norte Fist District Rep. Sandro Marcos matapos ang nagging pahayag ng kaniyang tiyahin na si Senator Imee Marcos laban sa first family.

Nakalulungkot isipin ayon kay Cong. Sandro na umabot na sa ganitong punto ang kaniyang tiyahin para lamang maisulong ang kaniyang political ambitions.

Ayon sa kongresista, lahat ng sinabi ng kaniyang tiyahin ay walang basehan, walang katotohanan at walang Magandang maidudulot sa bansa.

Mismong ang mga anak ni Senator Imee aniya na sina Vice Gov. Matthew Manotoc at Atty. Michael Manotoc ay makapagpapatunay na walang katotohanan sa mga alegasyon ng senadora.

Nakalulungkot aniyang isipin na nagawa ni Senator Imee na traydorin ang kaniyang pamilya aniya, hindi ito asal ng tunay na kapatid.

Nanawagan si Cong. Sandro sa publiko na huwag makiisa sa mga panawagang magpalaganap ng gulo at destabilisasyon. (DDC)