PDP Laban lalahok sa 3-araw na INC Rally

Lalahok ang mga miyembro ng Partido Demokratiko ng Pilipinas o PDP Laban sa tatlong araw na pagtitipon ng Iglesia Ni Cristo sa Maynila.

Ayon kay PDP Vice President for International Affairs Atty. Raul Lambino malaking bilang ng kanilang mga miyembro at tagasuporta ang magtitipon sa People Power Monument sa Edsa habang mayroon ding makikibahagi sa INC rally sa Luneta Park.

Ito ay bilang pakikiisa aniya ng kanilang partido sa panawagan ng reporma, accountability, hustisya at integridad sa pamahalaan.

Hinikayat din ni Lambino ang iba pa nilang tagasuporta na hindi makakapunta sa aktibidad na gamitin ang social media para ilahad ang kanilang mga saloobin. (DDC)