Stakeholders at media kabilang ang News Flash PH pinasalamatan ng BuCor sa ika-120 anibersaryo ng ahensiya

Bilang bahagi sa simpleng seremonya ng okasyon ng Bureau of Corrections sa ika-120 anibersaryo ng ahensiya, taos-pusong pinasalamatan ang mga stakeholders at media sa kanilang mahalagang suporta at tulong sa BuCor at sa mga persons deprived of of liberty (PDLs) na nasa ilalim ng pangangalaga nito.

Simple subalit tagos sa puso ang seremonyang paggunita ng BuCor sa kanilang anibersaryo na may temang ” BuCor @120: Isang Siglo’t Dalawang Dekada ng Maka-Diyos, Makato at Makabagong Palilingkod” na isinagawa sa New Bilibid Prison (NBP) Social Hall sa Muntinlupa City nitong Nobyembre 12.

Ang mahalagang okasyong ito ng ahensiya sa ilalim ng liderato ni Director General Gregorio Pio P. Catapang Jr. ay nagpaabot ng pasasalamat sa pamamagitan ng paggawad ng Certificates of Appreciation sa mga stakeholders kasama ang mga miyembro ng media kabilang ang News Flash PH na nagbigay ng kanilang bukas-palad na suporta at tulong sa BuCor.

“Their invaluable contributions have greatly impacted the lives of persons deprived of liberty under the bureau’s care, fostering an environment of rehabilitation and hope,” sabi ni Catapang.

Unang ipinag-utos ni Catapangang kanselasyon ng Bucor social night para ipagdiwang ang kasipagan ng mga empleyado at isulong ang mas magandang samahan kabilang na rito ang pinaka-aabangang BuCor’s Got Talent program na nakatakda ngayong araw bilang pagsunod sa panawagan ng Pangulo na iwasan ang magagarbong Christmas celebrations para sa pakikiisa sa libu-libong Pilipino na nasalanta ng mga kalamidad.

“This simple gathering not only honors the commitment of these partners but also reinforces the shared mission of promoting positive change and reintegration into society for those they serve,” pahayag ni Catapang.

Idinagdag pa nito na ito ay sandali ng pagmumuni at pagdiriwang, pagkilala sa pinagsama-samang hakbang na pagandahin ang buhay ng mga indibiduwal sa panahong nahaharap sila sa mga hamon. (Bhelle Gamboa)