Dagdag na 24 bagong sasakyan ng DSWD Pag-abot Program handa nang magserbisyo

Magandang balita sa publiko.Nadagdagan pa ang mga sasakyang magagamit ng DSWD Pag-abot Team sa kanilang mga reach-out operations upang abutin ang mas marami pang families and individuals in street siuation (FISS) na matutulungan at mabibigyan ng panibagong simula.

Nitong Martes (Nobyembre 11), isinagawa ang blessing ng 24 na bagong karagdagang sasakyan sa DSWD Central Office, Quezon City sa pangunguna ni Undersecretary Edu Punay ng Innovation and Program Development Group (IPDG) at Pag-abot Program Director Marilyn Moral. Ang mga bagong Pag-abot vehicles ay magsisilbing tulay para mas mabilis, ligtas at mas episyenteng maabot ng DSWD ang mga indibidwal at pamilyang naninirahan sa lansangan.

Sa ilalim ng DSWD Pag-abot Program, binibigyan sila ng tamang tulong at interbensyon tulad ng pagbabalik sa kanilang mga probinsya, pansamantalang panunuluyan sa mga transitional facilities o residential centers at pagkakaloob ng pangkabuhayan na makatutulong sa kanilang unti-unting pag-ahon tungo sa mas matatag at ligtas na pamumuhay.

Ngayong papasok ang holiday season kung kailan inaasahang dadami ang mga namamalimos sa lansangan, titiyakin ng DSWD na magiging ligtas sila sa kapahamakan ng mga lansangan at mabibigyan ng pagkakataong makapagsimula muli. (Bhelle Gamboa)