Wild Diseases sa evacuation centers sa Region II binabantayan ng DOH

Nakabantay ang Department of Health – Region 2 sa posibleng pagkalat ng waterborne diseases, influenza-like illnesses, leptospirosis, at dengue o WILD diseases sa mga evacuation center.

Ayon sa DOH, mayroong mahigit sampung libong pamilya o katumabs ng mahigit tatlumpung libong katao ang nananatili sa evacuation centers sa limang probinsya sa rehiyon.

Para masiguro na hindi lalaganap ang kaso ng WILD diseases, namahagi na ang DOH ng 2.4 million pesos na halaga ng tulong-medikal sa mga evacuation center.

Kabilang dito ang 1 million pesos na halaga ng Water, Sanitation, and Hygiene commodities gaya at 1.4 million pesos na halaga ng health commodities na kinabibilangan ng mga gamot sa sakit at bitamina.

Nagsasagawa rin ang DOH Region 2 ng Dengue Rapid Diagnostic Test sa mga evacuee. (DDC)