Ilang CAAP-Operated Airports balik na sa normal ang serbisyo

Balik na sa normal na operasyon ang pitong paliparan na nasa ilalim ng operasyon ng Civil Aviation Authority of the Philippines o CAAP pero mayroon pang siyam na nananatiling suspendido ang operasyon.

Ayon sa CAAP, wala namang paliparan na nasa ilalim ng kanilang hurisdiksyon ang nagtamo ng “major damage” dahil sa Super Bagyong ‘Uwan’ at ang karaniwang naitalang pinsala ay nasirang kisame, bubong, glass panels at perimeter fences.

May ilan ding paliparan na binaha at nakaranas ng power interruptions at problema sa network service.

Ayon sa CAAP, lifted na ang inisyung Notices to Airmen para sa Bicol International, Masbate, Naga, Virac, Daet, Bulan, at Cauayan airports.

Pansamantalang suspendido pa rin naman ang operasyon ng mga sumusunod na paliparan:

• Lingayen Airport
• Basco Airport
• Itbayat Airport
• Sangley Airport
• Plaridel Airport
• Iba Airport
• Subic Airport
• Lubang Airport
• at Bacon Airport