Libreng Sakay sa MRT, LRT at bus iniutos ng Malakanyang

Dahil sa masamang panahong dulot ng Bagyong Uwan, iniutos ni Pangulong Ferdinand Marcos Jr. sa Department of Transportation ang pagpapatupad ng libreng sakay sa MRT-3, LRT-1, at LRT-2 nang buong araw mula November 10 hanggang 11.

Maliban sa mga tren, magde-deploy din ng mga bus ang Office of the President, Philippine Coast Guard, Philippine Ports Authority, at ang tanggapan ni Senator Erwin Tulfo para magbigay ng libreng sakay sa mga pasahero bukas, November 10.

Buong araw na epektibo ang libreng sakay sa mga bus na dadaan sa mga rutang Quiapo-Fairview, Quiapo-Angono, Lawton-Alabang, Roxas Boulevard-Sucat at Taft-Cubao.

Posibleng palawigin hanggang November 11 ang libreng sakay sa bus depende sa pangangailangan ng mga pasahero. (DDC)