Mahigit 800 pamilya inilikas sa Quezon City

Mahigit dalawang libo limang-daang katao o katumbas ng mahigit walong daang pamilya ang isinailalim sa preemptive evacuation sa Quezon City.

Ayon sa Quezon City LGU ito ay para masigurong ligtas ang mga residente sa posibleng pagbaha na mararanasan dulot ng Super Bagyong Uwan.

Sa Super Bagyong Uwan Abante Special Coverage, sinabi ni Peach De Leon – QC DRRMO Representative mayroong labingsiyam na evacuation centers ang binuksan sa walong mga barangay sa Districts 1, 2, 4 at 5.

Ani De Leon, naitala ang pinakamaraming bilang ng evacuees sa Barangay Old Capitol Site na umabot na sa mahigit limangdaang katao.

Simula pa araw ng Sabado ay inikutan na ng City LGU ang mga bahaging barangay sa lungsod para hikayatin ang mga residente na lumikas. (DDC)