Emergency Operations Center ng MMDA minomonitor ang bagyong #UwanPH

Ipinag-utos ni Metropolitan Manila Manila Development Authority (MMDA) Chairman Atty. Don Artes ang activation ng Emergency Operations Center (EOC) ng ahensiya simula pa kahapon upang i-monitor ang bagyong #UwanPH.

Alinsunod ito sa direktiba ni Pangulong Ferdinand Bongbong Marcos Jr. na maghanda sa posibleng pinsala ng bagyo.

Pinangunahan nina MMDA Deputy Chairman Usec. Frisco San Juan Jr. at Metropolitan Public Safety Office (MPSO) Head Atty. Crisanto Saruca Jr. ang pagmo-monitor sa bagyo sa MMDA Communications and Command Center sa Pasig City.

Naka-preposition na rin ang MMDA Search and Rescue (SAR) teams sa iba’t ibang quadrants ng Metro Manila.

Ilang kagamitan din ang naka-preposition tulad ng mga rubber boats, mobile pump units, ring bouys, puddles, throw ropes, at iba pa.

Bukod dito, 24/7 din nakatutok ang ahensiya sa weather situation upang mabilis ang pagtugon sa anumang insidente ng sakuna sa Kamaynilaan. (Bhelle Gamboa)