Metro Manila, Southern Luzon maapektuhan din ng papasok na Super Typhoon

Hindi ligtas ang Metro Manila at Southern Luzon sa papasok na Super Typhoon Uwan.

Ayon kay PAGASA weather specialist John Manalo base sa kasalukuyang track ng bagyo, direktang maaapektuhan nito ang Cordillera Administrative Region, Cagayan Valley, Ilocos Region, at Central Luzon.

Pero dahil sa laki ng diameter ng bagyo, maaari ding magtaas din ng Tropical Cyclone Wind Signal sa Metro Manila at sa Southern Luzon.

Sa Biyernes ng gabi o sa Sabado ng umaga ay inaasahang papasok sa bansa ang bagyong Uwan bilang isang typhoon.

Lalakas pa ito at aabot sa Super Typhoon Category.

Sinabi ni Manalo sa Biyernes ng gabi ang pinakamaaga na maaaring maglabas na ng Tropical Cyclone Wind Signal ang PAGASA.

Nilinaw naman ng PAGASA na maaari pang mabago ang direksyon ng bagyo – posibleng tumaas o kaya ay bumaba pa.

Kung aangat pa ang bagyo ay direktang maaapektuhan ang extreme Northern Luzon.

Pero kung bababa naman ay tatamaan nito ang Eastern Visayas at Bicol Region. (DDC)