OCD-Calabarzon magtataas ng Red Alert simula sa Sabado

Simula sa Sabado, Nov. 8 ay itataas ang Red Alert status sa Regional Disaster Risk Reduction and Management Council ng Calabarzon.

Ito ay bilang paghahanda sa banta ng Tropical Storm Fung-Wong na inaasahang papasok sa bansa sa weekend.

Ayon sa OCD-Calabarzon, layon ng pagtataas ng alerto na matiyak ang maagap na pagtugon at koordinasyon ng mga ahensya ng gobyerno at mga lokal na pamahalaan sa posibleng epekto ng bagyo.

Patuloy naman ang paalala sa publiko na manatiling alerto, sumunod sa mga abiso ng lokal na pamahalaan, at maghanda para sa posibleng paglikas kung kinakailangan. (DDC)