NAPOLCOM nagkasa ng imbestigasyon sa viral na kamoteng pulis
Ipinag-utos ng National Police Commission ang pagsasagawa ng motu proprio investigation sa isang pulis na sangkot sa viral video ng Facebook page na “VISOR”.
Sa nasabing video makikita ang isang pulis sakay ng motorsiklo na walang suot na helmet at binabagtas pa ang bike lane.
Inatasan ni NAPOLCOM Commissioner Ralph Calinisan ang Inspection, Monitoring and Investigation Service na imbestigahan ang pulis na nakilalang si Police Chief Master Sergeant Homer Sanares Urbano ng Eastern Police District.
Tiniyak din gng NAPOLCOM ang pakikipagtulungan sa imbesitgasyon ng Land Transportation Office laban kay Sanares. (DDC)
