Muntinlupa City humakot ng parangal sa Urban Governance Exemplar Awards 2025 ng DILG
Muling kinilala ng Department of the Interior and Local Government (DILG) ang Pamahalaang Lungsod ng Muntinlupa bilang isa sa mga model LGUs sa bansa matapos itong mag-uwi ng pitong parangal sa Urban Governance Exemplar Awards (UGEA) 2025.
Ang mga natanggap na parangal ay patunay ng mahusay na pamamahala, dedikasyon, at tapat na serbisyo ng mga tanggapan ng lungsod para sa mga Muntinlupeño:
• Local Council for the Protection of Children Performance Year 2024 – Top Performer
• Sangguniang Panlungsod of Muntinlupa – 2025 Local Legislative Award for Exemplary Performance
• Peace and Order Council & Anti-Drug Abuse Council – Significant and Invaluable Partner in Advancing the Vision of a Safe, Secure, and Drug-Free NCR
• Local Committee on Anti-Trafficking and Violence Against Women and their Children 2025 Functionality Audit – Highly Functional
• 2024 Manila Bay Clean-Up, Rehabilitation and Preservation LGU Compliance Assessment – Highly Compliant
• 2024 Manila Bay Clean-Up, Rehabilitation and Preservation LGU Compliance Assessment – Top Performer (ISF Cluster)
• 2024 Manila Bay Clean-Up, Rehabilitation and Preservation LGU Compliance Assessment – Top Performer (LWM Cluster)
Ayon kay Mayor Ruffy Biazon, ang mga parangal na ito ay bunga ng sama-samang pagsisikap ng bawat kawani at lider ng lungsod sa paghahatid ng serbisyong tapat, makatao, at de-kalidad.
“Sa bawat hakbang ng Pamahalaang Lungsod, malinaw ang ating layunin—ang maghatid ng tapat at makataong serbisyo sa bawat Muntinlupeño. Patunay ito na tayo ay isang lungsod na Smart, Strong, at Sustainable,” ani Mayor Biazon. (Bhelle Gamboa)
