Mga kawani ng gobyerno maagang matatanggap ang kanilang yearend bonus

Magiging maaga ang Pasko ng mga opisyal at kawani ng gobyerno dahil matatanggap na nila ngayong buwan ng Nobyembre ang yearend bonus at P5,000 cash gift mula sa gobyerno.

Inanunsyon ni Palace Press Officer Atty. Claire Castro na inaprubahan na ng Department of Budget and Management ang pagpapalabas ng pondo bilang pagkilala at pagpapahalaga sa pagsisikap at dedikasyon ng mga lingkod bayan.

Naglaan ang DBM ng 63.69 billion pesos para sa year-end bonus ng civilian at military personnel at 9.24 billion pesos naman para sa cash gift ng 1.85 milyong manggagawa ng gobyerno sa buong bansa. (DDC)