DSWD nanawagan ng dagdag na volunteers
Nanawagan ng karagdagang volunteers ang Department of Social Welfare and Development para tumulong sap ag-produce ng family food packs sa center nito sa Pasay City.
Ito ay para masiguro ang tuluy-tuloy n apagpapadala ng relief supply sa mga lugar na naapektuhan ng Typhoon Tino.
Ayon sa DSWD, ang mga nais na maging volunteer ay maaaring magtungo sa Luzon Disaster Resource Center mula Lunes hanggang Linggo, alas 8:00 ng umaga hanggang alas 5:00 ng hapon.
Hahatiin sa dalawang shift ang mga volunteer – pang-umaga at pang-hapon.
Ayon kay DSWD Assistant Secretary Irene Dumlao nananatiling pangunahing prayoridad ng ahensya ang produksyon ng Food Packs para masiguro ang agarang paghahatid ng relief goods sa mga apektadong pamilya. (DDC)
