Guiuan, Eastern Samar isinailalim sa state of calamity

Isinailalim sa state of calamity ang munisipalidad ng Guiuan, Eastern Samar dahil sa tinamong pinsala ng bagyong Tino.

Sa resolusyon ng Sangguniang Bayan, inaprubahan ang rekomendasyon ng Municipal Disaster Risk Reduction and Management Council.

Ayon sa Eastern Samar Provincial Government, 4,631 pamilya ang naapektuhan sa bayan ng Guiuan na karamihan ay mula sa mga isla.

Sa Victory Island, maraming bahay ang nasira.

Suspendido pa rin ang klase sa munisipalidad ngayong araw Nov. 5 sa mga pampubliko at pribadong paaralan gayundin ang pasok sa mga tanggapan ng gobyerno. (DDC)