Suplay ng gamot, malinis na tubig tiniyak ng DOH sa Central Visayas

Tiniyak ng Department of Health na may sapat na sapat na suplay ng mga gamot at malinis na inumbing tubig para sa mga residente sa Cebu na apektado ng Bagyong Tino.

Ayon sa DOH-Central Visayas, maraming residente ang sinuri na at matapos makita ang risk level binibigyan sila ng Doxycycline laban sa leptospirosis.

Naka-antabay din ang iba pang gamot laban sa lagnat, ubo at sipon.
Ipinamahagi naman ang hygiene kits, malinis na tubig at water containers sa mga naapektuhang residente.

Simula Nov. 3 ay naka-full alert na ang DOH Central Visayas dahil sa bagyong Tino. (DDC)