6 na tauhan ng PH Air Force patay sa pagbagsak ng sinasakyang chopper sa Agusan

Kinumpirma ng Eastern Mindanao Command ng Armed Forces of the Philippines na wala nang buhay nang matagpuan ang anim na sakay ng helicopter na bumagsak sa Loreto, Agusan Del Sur.

Ayon sa pahayag ng EastMinCom, sa ikinasang search and rescue operations natagpuan ang katawan ng mga bikitma na piloto at crew members ng Super Huey helicopter.

Hindi muna isinapubliko ng AFP ang pagkakakilanlan ng anim.

Una ng kinumpirma ng Philippine Air Force na isang chopper nila galing Davao ang nag-crash.

Ayon kay Air Force spokesperson Col. Ma. Christina Basco, ang naturang chopper aniya ay magsasagawa sana ng damage assessment sa Typhoon Tino. (DDC)