Walang nakatakas na buwaya sa binahang Wildlife sa Talisay City

Tiniyak ng mga lokal na opisyal sa Talisay City, Cebu na ligtas ang mga hayop sa loob ng Crocolandia Wildlife Park.

Ito ay makaraang makaranas ng pagbaha sa lugar at mag-collapse ang bahagi ng pader ng pasilidad.

Ayon sa ulat ng mga opisyal ng Barangay Biasong dahil sa gumuhong pader mabilis na tumaas ang tubig-baha.

Agad din namang nakapaglagay ng barriers ang mga staff ng park at inilipat din sa ligtas na lugar ang mga hayop.

Ayon sa mga otoridad, walang nakatakas na buwaya o kahit ano pang uri ng hayop.

Tiniyak din ng pamunuan ng Crocolandia na ligtas ang lahat ng hayop na nasa kanilang pangangalaga. (DDC)